「從得知懷孕到產檢，相信唔少父母都係滿心歡喜同期待；去到寶寶呱呱落地嘅一刻，嗰份喜悅亦非筆墨可以形容。 🥹接寶寶返屋企後，佢不外乎都係食、瞓、痾 ，儘管新手爸媽休息時間大減，但喺照顧初生寶寶上都尚算輕鬆 … 

 

但隨着寶寶一日一日成長，幾星期後你可能發現問題陸續浮現 …  寶寶經常嘔奶、肚仔脹氣、瞓覺經常扎醒大喊、難以哄睡、唔肯瞓嬰兒床、經常哭鬧、甚至夜醒頻繁等等 …… 一連串嘅睡眠挑戰，係你從來無預期，坊間或者健康院嘅產前講座亦從無提及。 
 

各式各樣嘅煩惱蜂擁而至，令人身心俱疲，不知所措。加上產後媽媽受荷爾蒙變化影響，情緒容易低落。面對形形色色嘅挑戰，沮喪、無奈、無助、迷失嘅感覺接踵而來 …… 
 

作為兩孩媽媽，我亦曾經經歷上述情況，明白當中嘅辛酸苦辣 。慶幸作為睡眠顧問，我對嬰幼兒睡眠有所認識，明白初生嬰兒嘅睡眠特性，讓我可以及時調整心態同應對方法，令我有力量、方向、信心去照顧寶寶、照顧自己，好好享受初生階段嘅美好時光。 
 

照顧初生嬰兒係一件既甜蜜又痛苦嘅事，我希望更多新手爸媽可以了解初生寶寶嘅睡眠，令大家喺照顧寶寶時可以更輕鬆、更有方向，所以我準備咗一個免費嘅初生嬰兒睡眠精讀班比大家，希望加深各位爸媽對初生寶寶睡眠嘅認識。希望幫到你！爸爸媽媽，加油！」