top of page

【分離焦慮】

有冇試過當你離開BB一陣,例如去飲杯水或者去個廁所, BB就會突然喊得好犀利,直到你抱番佢,佢先平靜落嚟?


呢個可能就係BB出現分離焦慮嘅表現。分離焦慮係指當BB離開爸爸媽媽或者親密嘅照顧者嘅時候,會表現出負面嘅情緒。分離焦慮一般喺BB六至八個月大嘅時候開始出現,一歲半亦係分離焦慮嘅高峰期。


BB剛剛出世頭幾個月,並無「個體」嘅概念,無論係邊個抱住佢或者同佢玩,佢都唔覺得有太大分別,但係到半歲開始, BB慢慢明白環境同個體嘅分別,佢知道自己同媽媽/爸爸/照顧者係兩個獨立嘅個體,佢哋覺得媽媽離開左自己,唔知媽媽幾時會返嚟,就會產生不安同焦慮嘅感覺😣😣


分離焦慮有可能影響BB嘅睡眠,因為BB知道當佢哋合埋眼瞓覺就等於見唔到媽媽,所以會較多睡前哭鬧,甚至唔肯瞓覺。不過,分離焦慮對睡眠嘅影響一般只係短暫,但係如果我哋喺呢個階段作出唔適當嘅回應,同BB建立咗唔健康嘅睡眠習慣,即使分離焦慮結束, BB嘅睡眠問題都可能因此而繼續存在。如果BB分離焦慮嚴重,父母可以用正面嘅方式回應BB,尊重佢嘅情緒,可以給予適當嘅安撫佢,但唔等於要用各式各樣嘅方法氹佢瞓覺或者令佢收聲唔喊。


BB痴實自己雖然好窩心,但有時亦好無奈,不過呢個係成長嘅必經階段,我哋未必可以立即消除BB嘅分離焦慮,但係可以用唔同方法幫佢哋渡過呢個時期。聽日再分享多啲點樣可以幫BB渡過分離焦慮😉




7 views0 comments

Recent Posts

See All

Comentários


Post: Blog2_Post
bottom of page