top of page

【厭奶與睡眠 (上)】


「厭奶期」呢三個字相信好多父母都聽過,甚至經歷過,BB明明一直食奶都唔錯,但有一日突然變得唔鍾意飲奶,飲奶量同次數都大大減少,令爸爸媽媽好擔心BB會營養足夠,影響成長。


厭奶期嘅出現可以源於以下三大原因:


1️⃣ 病理因素/生理因素:胃食道倒流、乳糖不耐症、急性呼吸道感染等問題都會令BB食奶嘅時候唔舒服,令佢哋唔想食奶😣 爸爸媽媽要多啲觀察BB有冇異常嘅情況,如果有就應該睇醫生,等醫生作出詳細檢查。


2️⃣ 心理因素:如果BB曾經喺食奶嘅時候有唔愉快嘅經歷,佢哋好大可能會對食奶出現恐懼,所以好抗拒食奶,甚至有啲BB見到奶樽已經大喊😥 有時父母會好擔心BB食得唔夠,強迫佢哋食晒成樽奶,但係物極必反,咁樣反而令BB食得唔開心,令厭奶問題惡化。


3️⃣ 睡眠不足:過咗頭一兩個月,雖然BB每次醒嘅時間會長咗,但係佢哋每日嘅睡眠時數仲需要十幾個鐘。如果BB長期休息唔足夠,令佢哋出現過分疲勞嘅狀況,佢哋亦會心情欠佳,攰到無胃口食奶,所以每次餵奶爸爸媽媽都會發現BB「扭計」。


爸爸媽媽有咩方法可以幫到BB渡過厭奶期?聽日出post再講😉


如果你都有處理厭奶期嘅心得,可以留言同其他爸爸媽媽分享吓😉




6 views0 comments

Σχόλια


Post: Blog2_Post
bottom of page