top of page

【如何協助孩子設定生理時鐘】

BB日夜顛倒?唔肯瞓覺?經常好早醒?呢啲問題都好可能同小朋友嘅生理時鐘有關。


人類嘅生理時鐘,例如幾點起身、幾時覺得攰、幾時覺得肚餓,都係由大腦嘅激素控制,呢啲激素其實係按照每日大自然嘅訊號而釋放,所以日頭太陽光會叫醒我哋,去到夜晚我哋就會有睡意準備長睡眠💤


其實BB都一樣,佢地嘅生理時鐘係日出而作日入而息,但係喺現今社會,呢個生理時鐘經常受到好多人為因素影響,例如太陽落山後,身體雖然會收到「天黑」嘅訊號,但係現實生活中我哋往往會因為天黑而開晒屋企啲燈,呢啲燈光其實會干擾生理時鐘嘅運作。加上科技發達,我哋身邊都係各式各樣嘅電子產品,呢啲產品發出嘅藍光都會干擾我哋嘅生理時鐘,影響睡眠質素。


話雖如此,喺現今世界,我哋唔能夠好似農夫咁依靠大自然光線生活,天光就起身,入黑就馬上瞓覺😅😅 咁我哋可以點幫小朋友設定較理想同穩定嘅生理時鐘?👇


善用 #光線#規律 😉


#光線 ☀️💡

✅ 朝早起身嘅時候,慢慢拉開窗簾,令BB感受自然光線,可協助佢地設定每日相若嘅起身時間

✅ 就寢前至少1小時,將屋企嘅燈光較暗,協助大腦產生睡眠荷爾蒙

✅ 減少比小朋友睇電子屏幕嘅次數,尤其是瞓覺前1至2小時(如果小朋友對電子產品發出嘅藍光非常敏感,藍光嚴重干擾小朋友嘅睡眠質素,就寢前幾小時就要遠離電子產品)

✅ 瞓覺嘅時候睡眠環境要夠黑暗


#規律 🗓 ⏰

✅ 盡量俾小朋友每日喺相近嘅時間起身、食野同瞓覺,令佢哋定時定候有睡意,穩定身體內時鐘




8 views0 comments

Recent Posts

See All

【點解BB出牙時夜晚痛楚會較強烈?】

出牙期間, BB日頭都會比較煩躁,但係有唔同嘅活動分散注意力,痛楚感相對低啲。夜晚休息時無得玩、無咗唔同嘅刺激,就會較容易感受到出牙嘅痛楚。 另外。疲倦同痛楚會互相影響。夜晚褪黑激素分泌高,我哋嘅身體較攰,會比較難應付身體上嘅不適,更容易感受到痛楚。 痛楚影響睡眠質素,瞓得唔好亦直接影響大腦🧠如何處理痛楚。加利福尼亞大學嘅神經科學期刊曾經發表一項研究,發現如果我哋休息唔足夠或者唔理想,與疼痛感相

Post: Blog2_Post
bottom of page