top of page

【嬰兒猝死症 (SIDS) 】


嬰兒猝死症 (SIDS) 係指初生至一歲嘅BB突然死亡,死因不明,多出現於BB出世頭六個月。而早產嬰兒同出世時體重較低嘅BB,出現SIDS嘅風險相對較高。


雖然嬰兒猝死症嘅出現率唔係非常高,但係悲劇冇人希望見到😣 一直以來,醫學界都未能夠搵出嬰兒猝死症嘅確切原因,但係唔同國家嘅研究人員都發現多個危險因素會較易引發SIDS。因此,我哋必須要留意以下因素,為嬰幼兒提供安全嘅睡眠環境,減少意外嘅風險。


1️⃣ 仰睡

BB背部貼住床仔係最安全嘅睡姿,比打側瞓或者趴喺度瞓更安全,尤其是係初生嬰兒!好多父母會發現當BB長大咗,去到半歲或以上,佢哋好鍾意自己轉身趴喺度瞓。出現呢個情況父母都唔需要太擔心,因為BB大個咗,活動發展比較好,已經可以好叻咁轉來轉去,即使你幫佢反轉身仰睡,過幾分鐘佢好可能已經再次趴喺度瞓😅 不過,⚠️⚠️記住⚠️⚠️放BB落床仔嘅時候,一定一定要係仰睡姿勢。


2️⃣ 同房不同床

BB出世第一年同爸爸媽媽同房可以方便照顧BB,但係如果環境許可,絕對建議BB瞓獨立嘅嬰兒床,唔好同大人同床。如果受環境限制, BB要瞓大人床,就一定要用分隔床,確保大人嘅被鋪唔會意外地遮蓋到BB。


3️⃣ 確保BB床嘅安全

BB床上唔應該有任何枕頭、被鋪或公仔,BB床褥、床欄應合乎標準。詳情可以參考呢篇文章👉https://www.jovialsleepers.com/post/【安全的睡眠環境】


4️⃣ 瞓BB床

合乎標準嘅嬰兒床係最安全嘅睡眠環境,盡可以千祈唔好比BB喺梳化、搖搖椅、扶手椅瞓。


5️⃣ 唔好喺BB房食煙

媽媽喺懷孕期間食煙,以及BB出世後長期吸入二手煙亦會增加BB患上嬰兒猝死症嘅風險。


6️⃣ 注意房間溫度

BB嘅睡房應該保持空氣流通, BB衣着得宜,唔好同BB着過多嘅衫或者冚太多被,以免BB瞓覺時身體過熱。


7️⃣ 慎用奶嘴繩

如果BB瞓覺時需要安撫奶嘴,盡可以唔好用奶嘴繩,更唔好用奶嘴繩將奶嘴夾喺BB嘅衫或者睡袋度❌❌





19 views0 comments

Recent Posts

See All

Comments


Post: Blog2_Post
bottom of page