top of page

【理想的就寢時間】

香港人工作繁忙,好多人上床瞓覺嘅時間愈推愈夜,導致睡眠時間愈來愈短。一個全球睡眠習慣嘅調查更發現,香港人嘅睡眠質素排名為兩岸三地中最低。


唔止成年人,好多香港嘅BB夜晚都係好遲瞓覺 其實咁樣對嬰幼兒嚟講係唔太理想㗎。兩歲以下嬰幼兒最理想最合適嘅就寢時間應該係晚上7點至8點。點解?因為......


(1) 確保嬰幼兒有足夠睡眠 嬰幼兒睡眠係好貼近大自然,亦即係佢哋係日出而作,日入而息。嬰幼兒嘅生理時鐘/晝夜節律 (circadian rhythm)一般會係朝早6點至8點叫醒佢哋,而佢哋每晚又需要瞓大約10-12小時,所以我哋必須要喺夜晚7點至8點比佢哋瞓覺,佢哋先至可以喺夜間獲得充足嘅休息。如果佢哋嘅就寢時間太遲,但係佢哋嘅生理時鐘又會好早叫醒佢哋,咁就會令佢哋得唔到足夠嘅休息喇 !

(2) 嬰幼兒較容易入睡 受到生理時鐘/晝夜節律 (circadian rhythm)嘅影響,嬰幼兒一般會喺夜晚7點至8點比較攰,所以如果喺呢一段時間比佢哋就寢,佢哋入睡嘅時間相對亦會快啲架!


(3) 有利嬰幼兒成長 晚上9點至凌晨1點,以及朝早5點至7點係生長激素分泌最多嘅時候,而我哋要喺深層睡眠嘅時候先會分泌生長激素,所以如果嬰幼兒喺7點至8點就寢,佢哋就可以好好把握生長激素分泌嘅高峰期,即係可以快高長大!


(4) 避免嬰幼兒睡眠問題 喺合適嘅時間就寢,嬰幼兒就唔會出現過分疲累嘅情況,佢哋相對會瞓得好好多,亦會減少甚至避免好多半夜醒/未天光就醒嘅問題。


所以如果你嘅小朋友而家仲係好遲先至瞓,你就要快啲幫佢哋提前就寢嘅時間喇!




16 views0 comments

Recent Posts

See All

Commentaires


Post: Blog2_Post
bottom of page