top of page

【胃食道逆流 (Reflux) 】

有人以為只係成年人先會有胃食道逆流 (Reflux)嘅問題,但係其實BB都有可能面對呢個問題㗎 !胃食道逆流顧名思義就係BB飲奶之後,啲奶無成功進入胃部,而係由食道逆流而上,導致BB出現嘔奶嘅情況。受胃食道逆流影響嘅BB,因為經常嘔奶,肚仔又唔舒服,好難安睡,令睡眠質素下降。


BB出現胃食道逆流嘅常見原因係因為BB嘅食道同胃部之間嘅括約肌收縮強度唔足夠,呢個情況一般BB慢慢長大就會有改善。以下係嬰幼兒出現胃食道逆流嘅常見症狀:

  • 經常嘔奶(出現時間不定,有時飲完奶5-10分鐘或1-2小時後都會出現)

  • 持續咳嗽

  • 胃口轉差,因為拒絕飲奶而導致生長緩慢

  • 飲奶時會大喊

  • 脹氣或肚痛

  • 瞓得唔安穩,容易扎醒/嘔奶


另外,爸爸媽媽需要留意「Silent Reflux」,出現呢個情況BB雖然唔會嘔奶,但係會經常發出一啲好明顯嘅乾嘔聲、吞嚥聲音。呢個情況下,溢流嘅奶會經過食道返到喉嚨,但係好快BB又吞返落去,雖然無嘔,但都令BB覺得好唔舒服😣😣


當BB出現身體不適,佢哋嘅睡眠或多或少都會受到影響。想幫BB舒緩胃食道逆流嘅影響,可以試吓多餐少食、餵奶後勤啲掃風、餵奶後打直抱住BB一陣。如果懷疑BB出現胃食道逆流,記得最佳嘅方法係盡快帶BB睇醫生,等醫生作出專業嘅判斷,對症下藥,改善逆流嘅症狀。




7 views0 comments

コメント


Post: Blog2_Post
bottom of page