top of page

【 安睡小貼士──12-36個月】


一歲開始,小朋友嘅表達能力同認知能力不斷進步,佢哋要不斷探索同學習,可能就會唔肯瞓晏覺,所以要記住以下嘅小貼士呀!


  1. 訂立有規律嘅作息時間表:小朋友已經有較穩定嘅時間表,應該每日都有固定嘅起床時間、小睡時間同就寢時間,咁樣佢哋嘅生理時鐘穩定,佢哋亦都會較少出現唔肯瞓覺嘅情況

  2. 建立睡前儀式:可以訂下一啲每次瞓覺之前都會做嘅活動,等小朋友知道做呢啲活動就等於就嚟要瞓覺

  3. 營造有利睡眠嘅環境:溫度、濕度要適中,睡房要暗,等小朋友可以係一個舒適嘅環境休息。2-3歲嘅小朋友如果開始怕黑,就可以用小夜燈幫手

  4. 避免經常接觸電子屏幕: 喺現今嘅數碼年代,好多人都係機不離手,小朋友因而都會經常接觸到電子產品,但係電子屏幕所發出嘅藍光,會抑壓睡眠荷爾蒙嘅分泌,干擾我哋嘅生理時鐘,令小朋友睡意減少,睡眠質素下降。所以喺小朋友睡前至少一個鐘,就唔好再比佢哋接觸電子屏幕喇

  5. 注意飲食: 要避免含有咖啡因嘅食物或者飲品,例如咖啡、可樂、茶、朱古力

  6. 有足夠嘅運動:小朋友嘅活動時間長咗,要確保佢哋有足夠嘅運動量,唔俾佢哋放電或者放晒佢哋啲電,佢哋都會瞓得唔好㗎

  7. 曬太陽: 日間嘅陽光可以幫助BB分辨日與夜,而且曬太陽亦可以促進睡眠荷爾蒙—褪黑激素嘅分泌,改善夜晚嘅睡眠質素

  8. 釋除小朋友對瞓覺嘅恐懼: 大約2-3歲,小朋友可能開始有較豐富嘅想像力,佢哋留喺黑暗嘅房間,可能會對瞓覺有恐懼,要了解佢哋恐懼嘅原因,同佢地傾吓,釋除佢哋嘅擔憂



6 views0 comments

댓글


Post: Blog2_Post
bottom of page