【光線對夜間睡眠的影響】

光線喺維持我哋嘅晝夜定律 (circadian rhythm)時擔當住重要嘅角色，自然光線喺日間喚醒我哋，去到夜晚太陽落山後，我哋嘅身體就會慢慢分泌褪黑激素，為夜間睡眠做好準備。

然而，過多嘅人造光線會干擾呢個規律，抑制褪黑激素嘅分泌，影響睡眠💤 好多時父母話小朋友夜晚難瞓著、易扎醒但瞓唔番，或者早醒，都好可能係同佢哋夜晚接觸嘅光線有關㗎！

所以要維持褪黑激素嘅正常分泌，等小朋友瞓好啲，父母要記住以下幾點：

✅ 晚餐後開始將燈光調暗，最好調到黃光

✅ 睡前至少一個鐘要遠離電子屏幕🖥📱

✅ 小朋友2-3歲前唔需要開夜燈瞓覺

✅ 半夜餵奶或者換片時環境要盡量暗，只需開一盞微弱嘅小夜燈