top of page

【可以 ‘訓練’ BB去到邊都瞓得著嗎?】

「我想訓練BB去到邊都瞓得到,可以嗎?」

「BB好似去邊都瞓得著,咁樣係好定唔好?」


唔知你地對上述問題有咩睇法?😉 每隔一段時間我都收到媽媽們問類似嘅問題,今日想同大家從嬰幼兒睡眠發展嘅角度分享下我嘅睇法😊

到底BB可唔可以「去到邊都瞓到」、「喺BB車都可以瞓好耐」,係好視乎兩個因素👇


第一係月齡,初生階段嘅BB大多都係較容易做到,佢哋坐住BB車或者父母用孭帶孭住,搖下搖下咁,去到咩地方都好容易瞓得著 💤 另外,去到大約一歲半後,小朋友嘅睡眠發展越嚟越成熟,都會較容易出街時候喺BB車瞓耐啲。

另一個因素係小朋友對外在環境嘅敏感程度。不得不否認,有啲BB天生對事物敏感度較低,相對無咁容易受外在因素影響瞓唔到,所以佢哋未必需要特別多嘅配合,已經係可以好輕鬆咁喺BB車/car seat/孭帶度瞓好耐😌 但好多BB對周遭嘅事物同聲音特別敏感,去到唔同地方,見到嘅畫面同聽到嘅聲音唔同咗,佢哋就比較難入睡同安睡。

做咗爸爸媽媽我哋梗係想有社交生活,想去街就去街,想同朋友食飯就食飯,所以如果BB真係可以去到邊都瞓到,大人出街唔會影響佢哋嘅作息,咁就係完美啦🤪


不過,正如上述所講,能唔能夠做到都要睇唔同嘅因素。喺行內我哋無一套特定嘅方法訓練BB去到邊都瞓得到😅 始終喺穩定、平靜嘅環境下瞓覺,BB嘅睡眠質素係最好。出街就算瞓到,睡眠質素都會大打折扣。


當然, BB仔都可以出街,同埋應該要出下街嘅,所以父母應該喺出街同休息之間取得平衡😉 我一般建議父母可以安排有80%嘅日子比BB喺屋企有一致嘅作息環境,20%嘅日子帶BB出去睇下野,咁對嬰幼兒作息嘅影響就會減到最低。


仲有一點大家要留意,如果你嘅小朋友經常一出街搖下搖下就秒睡,但係總係瞓吓醒下咁,就要留意小朋友會唔會平時一直都休息唔足夠,以致佢哋經常好快斷電好容易恰着喇!




17 views0 comments

Recent Posts

See All

【點解BB出牙時夜晚痛楚會較強烈?】

出牙期間, BB日頭都會比較煩躁,但係有唔同嘅活動分散注意力,痛楚感相對低啲。夜晚休息時無得玩、無咗唔同嘅刺激,就會較容易感受到出牙嘅痛楚。 另外。疲倦同痛楚會互相影響。夜晚褪黑激素分泌高,我哋嘅身體較攰,會比較難應付身體上嘅不適,更容易感受到痛楚。 痛楚影響睡眠質素,瞓得唔好亦直接影響大腦🧠如何處理痛楚。加利福尼亞大學嘅神經科學期刊曾經發表一項研究,發現如果我哋休息唔足夠或者唔理想,與疼痛感相

コメント


Post: Blog2_Post
bottom of page