top of page

【嬰幼兒嘅睡眠狀況時好時壞?】

前排有幾位媽媽不約而同地問我,到底嬰幼兒嘅睡眠狀況係咪會時好時壞、反反覆覆呢?


我嘅回答係:#YES ! 如果小朋友嘅睡眠習慣唔健康,呢個情況可能會出現得頻密啲,就算有健康睡眠習慣嘅小朋友,間中都可能會瞓得唔好 (🤨咦!你係嬰幼兒睡眠顧問喎!你咁講咪同自己唱緊反調?)... #睇埋落去先 😂


小朋友都係人,佢哋唔係機械人,唔可以有一粒制禁著左就會日日都瞓得好。同大人一樣,佢哋嘅睡眠都會受到好多因素影響。試諗下自己,你同我都未必全年365日晚晚瞓得好吧😉


當我哋發現小朋友瞓得唔好,或者需要好耐先瞓著嘅時候,最緊要係先退後一步諗下點解會出現呢種情況。搵出原因先可以對症下藥嘛😉 以下因素都可能會令嬰幼兒突然瞓得唔好㗎!


👉 睡眠倒退期

👉 身體不適

👉 睡房溫度唔啱,過凍/過熱

👉 分離焦慮高峰期

👉 過飽,瞓覺時感覺「頂住頂住」

👉 臨瞓前食咗/飲咗有咖啡因嘅食物/飲品

👉 作息時間亂咗

👉 休息唔夠,有少許過分疲勞

👉 作息時間唔合適,未有足夠睡意/已經攰得滯

👉 出咗街/有親戚朋友探訪,小朋友心情太興奮

👉 未有足夠wind down time ,心理上未準備好要瞓

👉 因為疫情/天氣因素,戶外活動減少

👉 接觸電子產品嘅時間過長

👉 生活上嘅轉變,例如:戒片、有細佬妹出世、無得返學見朋友仔、照顧者病咗/離開咗等等



我哋成日話,BB係個人仔😆 所以佢哋都會同我哋一樣,間中受某啲因素影響而瞓得無咁好。只要唔係持續瞓得差,相信搵到原因對症下藥,問題好快會解決。但如果你小朋友係持續地瞓得唔好,令你束手無策,不妨搵我傾吓😉



13 views0 comments

Recent Posts

See All

【點解BB出牙時夜晚痛楚會較強烈?】

出牙期間, BB日頭都會比較煩躁,但係有唔同嘅活動分散注意力,痛楚感相對低啲。夜晚休息時無得玩、無咗唔同嘅刺激,就會較容易感受到出牙嘅痛楚。 另外。疲倦同痛楚會互相影響。夜晚褪黑激素分泌高,我哋嘅身體較攰,會比較難應付身體上嘅不適,更容易感受到痛楚。 痛楚影響睡眠質素,瞓得唔好亦直接影響大腦🧠如何處理痛楚。加利福尼亞大學嘅神經科學期刊曾經發表一項研究,發現如果我哋休息唔足夠或者唔理想,與疼痛感相

Comentários


Post: Blog2_Post
bottom of page