top of page

【睡前沖涼有利睡眠嗎?】

有媽媽問,沖涼應唔應該包括喺睡前規律入面?臨瞓前幫BB沖涼,係唔係可以令佢哋瞓得好啲?🧐


其實呢個問題無一個絕對嘅答案,臨瞓前沖涼會唔會幫BB瞓得更好取缺於BB嘅個性、沖涼嘅時間同方式。臨瞓前沖涼有利亦有弊👇


👍沖涼後身體溫度會稍為下降, BB感覺涼快,會更容易入睡

👍 沖涼後核心溫度(core body temperature) 下降,可以俾到身體一個訊號,話俾身體知就快要瞓覺,增加小朋友嘅睡意

👍沖涼可以令人放鬆,可以有助BB慢慢收拾心情準備瞓覺

👍 對初生嬰兒嚟講,沖涼有安撫嘅作用,因為沖涼浸喺暖水入面,感覺就好似喺媽媽肚入面咁


👎 如果作息時間掌握得唔好,臨瞓前BB已經非常疲倦,沖涼時會更加扭計,沖涼對BB嚟講就唔係一件開心嘅事

👎 沖涼時如果有好多沖涼玩具,或者會同BB玩得好興奮,沖涼對BB嚟講就係刺激活動,可能會令BB需要更長入睡時間

👎 冬天時夜晚溫度較低,如果室內溫度控制得唔好, BB會較容易冷親


爸爸媽媽可以考慮自己嘅習慣同需要,安排BB嘅沖涼時間,如果想幫BB臨瞓前先沖涼,希望幫佢哋放鬆一下,就要記住沖涼盤唔好放咁多玩具,否則BB會玩得太興奮㗎!仲有要注意室內溫度呀😉 如果你發現BB每次沖完涼好似特別興奮、特別精神,可能沖涼呢個活動對佢哋來講係具有刺激性,就未必適合臨瞓前進行喇!




117 views0 comments

Recent Posts

See All

【點解BB出牙時夜晚痛楚會較強烈?】

出牙期間, BB日頭都會比較煩躁,但係有唔同嘅活動分散注意力,痛楚感相對低啲。夜晚休息時無得玩、無咗唔同嘅刺激,就會較容易感受到出牙嘅痛楚。 另外。疲倦同痛楚會互相影響。夜晚褪黑激素分泌高,我哋嘅身體較攰,會比較難應付身體上嘅不適,更容易感受到痛楚。 痛楚影響睡眠質素,瞓得唔好亦直接影響大腦🧠如何處理痛楚。加利福尼亞大學嘅神經科學期刊曾經發表一項研究,發現如果我哋休息唔足夠或者唔理想,與疼痛感相

Post: Blog2_Post
bottom of page