top of page

【給準父母的睡眠貼士 💤 】

首先喺度恭喜各位準爸爸、準媽媽🤰🎉


身邊好多朋友成為爸爸媽媽之前都有一個擔憂,就係會唔會有排都無覺好瞓 🙈 的確,成為父母係人生一個幾大嘅轉捩點,BB出世之後我哋一定無可能好似以前咁無憂無慮、鍾意瞓就瞓、食就食,休息難免會少咗 😴 不過,只要為將來嘅新角色做好準備, BB出咗世,父母都可以盡量爭取休息時間㗎!


今日喺度想同各位準父母分享三個小貼士 😉


1️⃣ BB出世前先了解嬰幼兒嘅睡眠需要

BB瞓得好啲,父母嘅休息時間亦會多咗。了解BB嘅睡眠發展同需要係幫助BB瞓得好嘅第一步。預防勝於治療,盡量真係唔好等到有問題發生嘅時候先處理呀🙈


記得當年大囡出世頭幾個月,我對嬰幼兒睡眠嘅認識真係好少,頭幾個月簡直係一片混亂 🤦‍♀️ 之後深入了解咗、明白背後嘅睡眠科學,湊起上嚟就容易好多、輕鬆好多🥲 即使仔仔出世後要照顧兩個小朋友,都少咗好多照顧上嘅煩惱☺️


如果各位準父母都想對初生嬰兒睡眠有初步認識,留言「BB」,我會send番免費嬰幼兒睡眠精讀班嘅詳情比你 💛



2️⃣ 準媽媽每日都喺相約嘅時間起身同就寢

BB同媽媽嘅連繫好緊密,媽媽亦可以幫BB調節佢哋嘅生理時鐘。準媽媽每日都可以喺相約嘅時間起身同就寢,會有利日後穩定BB嘅作息㗎!尤其是去到孕後期,準媽媽記得要早睡早起,唔好做夜貓喇!


3️⃣ 同另一半預早商量同制定BB出世後生活嘅安排

BB出世前,準父母可以溝通吓日後對BB瞓覺、飲奶、學習、成長等各方面嘅目標同理念,傾吓點樣分工。例如邊個負責餵夜奶?邊個負責氹BB瞓覺? BB過咗初生階段會唔會希望佢哋可以自行入睡?BB飲人奶定奶粉?埋身定係用樽餵?早啲有定準備,作出適當安排,BB出世後,大家都更容易適應新身份



33 views0 comments

Comments


Post: Blog2_Post
bottom of page