top of page

【點解跟住網上資料做睡眠訓練會失敗?】

上網search 「睡眠訓練」四字,會出咗好多相關資料,甚至連衛生署出嘅親職系列都會有相關資訊。有啲爸爸媽媽亦可能試過跟住呢啲資訊同BB進行睡眠訓練… 但好多時都係失敗告終😖 點解?睡眠訓練真係咁難做到嗎?

首先,我必須再次強調睡眠訓練唔一定等於Cry it Out—掉低BB完全唔理佢由佢一直喊… 呢樣野到今日都依然有好多人有誤解😣 「睡眠訓練」係可以有好多唔同方式,Cry it Out只係其中一種(但絕對唔係我主張嘅一種)…

要BB瞓得好,「睡眠訓練」唔可以單獨去睇,而且要改善BB嘅睡眠質素並無魔法、無捷徑!

所謂睡眠訓練,我會稱為「睡眠引導」,係用各種方式引導BB建立更健康嘅睡眠習慣,提升睡眠質素。當中可以有各式各樣嘅方式,視乎父母嘅意願、實際情況或者BB嘅脾性等因素決定邊種方式最適合。但無論邊種方式,都唔係單單跟住指引去執行,「狠心」啲就會成功……

要改變BB嘅睡眠習慣,引入睡眠訓練係其中一樣可以做嘅嘢,但同時必須要有一個全盤方案,因為唔同因素係環環相扣,要全面地作出改善先係最有效。就好似如果BB根本未有足夠嘅睡意,無論你用咩方法氹佢瞓覺,或者比佢喊足兩三個鐘,佢依然唔會瞓得着😣 所以我經常同爸爸媽媽講,幫BB調整睡眠時一定要喺各方面作出配合,唔係單單執行睡眠訓練就可以解決問題。

正正因為咁,遇到比較複雜嘅睡眠挑戰,我好常都會建議父母要同我做詳細嘅電話諮詢,因為要深入咁傾,按照小朋友實際情況,先可以有更針對性嘅建議同全盤方案。

除此之外,無論用咩睡眠訓練方式,要成功引導BB,喺執行嘅時候必須要有一致性,訂立咗全面嘅方案,就要貫徹始終執行,將訊息清楚傳遞比BB。無論對BB仔定係大人嚟講,面對任何轉變都需要時間適應,我哋面對改變都無可能用一兩日就完全適應,更何況係嬰幼兒呢?喺調整嘅過程,大家都需要經歷一個過渡期。


如果你想為BB進行睡眠訓練但無從入手,歡迎你搵我詳細傾吓。或者如果你希望喺進行睡前訓練前做好各樣準備,甚至先試用比較溫和嘅方法去調整睡眠,你亦可以參考Jovial Sleepers 嘅網上S.T.A.R課程 😉




24 views0 comments

Commenti


Post: Blog2_Post
bottom of page