top of page

【4大影響幼兒睡眠的生活改變】

我哋生活中偶然都會出現唔同嘅變化,經歷唔同階段。一啲看似好平常嘅改變,其實都會對嬰幼兒嘅睡眠產生負面影響。今日想同大家分享四個好常會影響到小朋友睡眠狀況嘅生活轉變😊


1️⃣ 細佬/細妹出世

當父母要忙於照顧初生嬰兒,對小朋友嘅關注難免會減少,本身仔仔囡囡可能係萬千寵愛在一身,突然有多一個「人仔」要同佢分享爸爸媽媽嘅時間同愛,小朋友都需要時間接受轉變。


2️⃣ 第一次返育嬰園/幼稚園

喺幼兒嘅發展階段當中,佢哋會經歷「秩序敏感期」,對於日常規律非常敏感,當佢哋第一次返育嬰園或者幼稚園嘅時候,日常生活嘅規律難免會有所改變,需要時間適應。


3️⃣ 搬屋/移民

去到新地方,除咗四周圍嘅嘢會唔同咗,生活規律亦會有一定變化,影響幼兒心目中嘅常規。


4️⃣ 父母離異/家庭成員去世

喺幼兒階段,雖然小朋友未完全理解到所有嘢,但如果家庭成員嘅角色/人數突然有轉變,佢哋都會感受到緊張、焦慮嘅氣氛,可能會失去安全感同歸屬感。


當小朋友越嚟越大,要佢哋瞓得好,除咗要理解佢哋嘅睡眠需要,仲要照顧佢哋心理上嘅狀況,如果面對轉變嘅時候會唔開心、驚,或者擔憂,呢啲壓力往往會喺睡眠上表現出嚟。如果父母發現以上嘅因素係影響小朋友睡眠狀況嘅源頭,就要對症下藥,照顧好小朋友嘅情緒同感受,咁樣解決問題就會最有效。




63 views0 comments

Recent Posts

See All
Post: Blog2_Post
bottom of page