top of page

【BB應該幾大先用枕頭? 】

有媽媽問「BB應該幾大先用枕頭?」


準父母購買嬰兒床上用品嘅時候,好多時一set都會有送枕頭、被鋪,但BB係咪適合用枕頭呢?


🙅‍♀️🙅‍♀️


英國國民保健署 (National Health Service) 建議要到小朋友一歲後先比枕頭佢哋,而美國兒科學會(American Academy of Pediatrics) 亦建議小朋友兩歲後先用枕頭。因為枕頭好容易遮蓋住BB塊面或者導致BB過熱,容易導致嬰兒窒息同增加嬰兒猝死症 (SIDS)* 嘅機會。


原則上一至兩歲後,小朋友用枕頭係相對安全,但係並唔代表小朋友滿一歲就要買個枕頭比佢哋呀!爸爸媽媽需要留意小朋友係咪準備好、係咪需要枕頭、枕頭會唔會帶嚟其他風險等等!太早比個枕頭小朋友,佢哋可能會用枕頭借力,踩住枕頭爬出BB床🙈


除此之外, BB嘅頸椎同脊骨同成年人唔同, BB仔嘅頸椎位係垂直,所以對佢哋嚟講最舒服嘅姿勢係平瞓,唔需要瞓喺任何物件上面。瞓喺枕頭上反而會對佢哋脊椎造成壓力,瞓得無咁舒服😅


*研究指出,清空嬰兒床上嘅枕頭、被鋪同其他玩具可以減少80%嘅嬰兒猝死症 (SIDS)





37 views0 comments

Recent Posts

See All

【點解BB出牙時夜晚痛楚會較強烈?】

出牙期間, BB日頭都會比較煩躁,但係有唔同嘅活動分散注意力,痛楚感相對低啲。夜晚休息時無得玩、無咗唔同嘅刺激,就會較容易感受到出牙嘅痛楚。 另外。疲倦同痛楚會互相影響。夜晚褪黑激素分泌高,我哋嘅身體較攰,會比較難應付身體上嘅不適,更容易感受到痛楚。 痛楚影響睡眠質素,瞓得唔好亦直接影響大腦🧠如何處理痛楚。加利福尼亞大學嘅神經科學期刊曾經發表一項研究,發現如果我哋休息唔足夠或者唔理想,與疼痛感相

Comments


Post: Blog2_Post
bottom of page