有媽媽話問：「BB好似好怕黑🤔因為BB每晚一入房無耐就會大喊，唔肯瞓，要同爸爸媽媽同床陪住先瞓到。」
其實兩至三歲前小朋友未可以聯想到黑暗係好恐怖，黑暗嘅環境反而令佢哋覺得安全，有安撫作用，尤其是對於月齡比較細嘅BB，黑暗嘅環境就好似佢哋喺媽媽肚入面咁樣，好安全。 喺BB瞓覺嘅時候開盞細燈，反而會騷擾咗佢哋瞓覺㗎！小夜燈要去到小朋友至少兩三歲先有作用😉
至於點解BB入房無耐就會喊，原因可以有好多，例如休息嘅timing唔啱、習慣同大人瞓、分離焦慮等等。如果你以為BB怕黑，喺佢哋要瞓覺嘅時候開晒燈（即使只係一盞細燈），佢哋會更加難瞓着㗎喇😅
