好多爸爸媽媽都以為只要夜啲俾BB瞓，佢哋朝早就會晏啲先醒。其實呢個都係好多父母對嬰幼兒睡眠嘅誤解 。
BB遲啲瞓遲啲醒，好多人都認為係啱，因為都好合乎邏輯呀！ 不過，要記住其實嬰幼兒睡眠好多時都唔係logical，而係biological。即係好多我哋以為好有道理、好有邏輯嘅事，都未必應用到喺嬰幼兒睡眠呢一方面㗎！嬰幼兒嘅睡眠發展未成熟，所以好多嘢都可能係「有違常理」。
之前分享過，嬰幼兒睡眠係好貼近大自然，佢哋係日出而作，日入而息。大部分嬰幼兒嘅生理時鐘/晝夜節律 (circadian rhythm)會喺朝早6點至8點叫醒佢哋，所以無論你係夜晚8點、10點定12點俾佢瞓，佢都好可能係朝早6-8點起身，甚至.......更早 ......
