好多爸爸媽媽都希望小朋友可以瞓得好，因為「寶寶瞓得好 爸媽少煩惱」嘛 😜 大家知唔知其實日常生活中有一種免費而且非常有利睡眠嘅小法寶，可以令小朋友更快入睡而且瞓得更安穩呢？
呢樣助眠法寶係咩？
就係 #陽光 🌞
爸爸媽媽可以喺空閒嘅時候多啲帶小朋友出去，等佢哋可以接觸陽光，因為陽光可以幫小朋友調節生理時鐘，幫助佢哋分辨日與夜。除此之外，陽光亦可以增加身體內嘅血清素 (serotonin)，有助小朋友入睡同安睡。因為我哋嘅睡眠荷爾蒙褪黑激素係由血清素轉化而成，當我哋接觸到足夠嘅陽光，可以令身體產生足夠嘅血清素，夜晚血清素就會變成褪黑激素，話俾身體聽夠鐘瞓覺喇 💤
所以想小朋友瞓好啲，喺天氣好嘅時候，不妨帶佢哋去戶外曬吓太陽吖😉
