嬰幼兒睡眠顧問 Cheryl
- 兩個小孩的媽媽
- 畢業於香港中文大學，獲取錄修讀及完成英國牛津大學的課程
- 修讀獲英國政府認可的嬰幼兒睡眠顧問課程
- 國際嬰幼兒睡眠顧問協會 (IACSC)的會員
- 多個媒體和公司的專欄作者和講座講者，包括：荷花Eugenebaby、Oxford Path牛津幼兒英語、MamiDaily 親子日常、我愛Mama、新城教育+ 等等
|
「Hello! 我係Cheryl … 喺大囡未出世前，我同好多媽媽一樣，上咗好多產前講座、睇咗唔同嘅育兒資料，希望裝備自己，迎接家中嘅新成員。喺囡囡滿月嘅時候，佢夜晚已經可以連續瞓6個鐘，當時我真係好開心好感恩，因為我終於可以連續地瞓耐少少 🤭 點知過咗幾個月惡夢就開始黎喇…… 佢由之前連續瞓6-8個鐘，變成夜晚每1-2個鐘醒一次...... 當時仍係全職工作嘅我，每日返工完全集中唔到精神 ，非常崩潰 😥 囡囡夜晚嘅睡眠情況一直持續，不久連日間小睡亦開始出現種種問題。起初我試過好多種方法，但問題都未能改善，最終我決定要更加深入了解嬰幼兒睡眠，修讀相關課程，幫自己、幫囡囡改善睡眠質素。了解多咗，用啱咗方法，問題好快就改善咗，我、老公同囡囡都可以有覺好瞓 😊
經歷過BB嘅睡眠問題，我絕對明白當中嘅辛酸 😣 一方面心痛小朋友瞓得唔好影響成長，另一方面自己又因為長期睡眠不足而疲憊不堪，壓力指數飆升 … 所以我完成咗獲英國政府認可嘅嬰幼兒睡眠顧問課程後，開設Jovial Sleepers ，希望透過資訊分享、睡眠諮詢服務同網上課程，協助各位爸爸媽媽解決嬰幼兒睡眠問題，提升小朋友同父母嘅睡眠質素。我相信，父母同BB都瞓得好啲，不但有利小朋友長得好、學得好，亦可以讓父母照顧寶寶時亦更輕鬆、更有方向同信心，建立更親厚的親子關係！」 |