關於嬰幼兒睡眠顧問Cheryl

• 畢業於香港中文大學，曾獲取錄修讀及完成英國牛津大學的課程，從事教育工作多年

• 修讀獲英國政府認可的嬰幼兒睡眠顧問課程

• 國際嬰幼兒睡眠顧問協會 (IACSC)的會員

• MamiDaily 親子日常、我愛Mama、新城教育+ 的專欄作者

• Oxford Path牛津幼兒英語講座的講者

「你好！我係Cheryl，我從事教育工作多年，直到囡囡出世後，我成為一位嬰幼兒睡眠顧問 (Sleep Consultant)。作為媽媽，我都曾經遇過BB嘅睡眠問題，明白當中嘅辛酸。話說我囡囡喺滿月嘅時候夜晚已經可以連續瞓6個鐘，當時我真係好開心，因為我終於可以連續地瞓耐少少。點知去到佢4個月左右，惡夢就開始黎喇！佢由之前連續瞓6-8個鐘，變成夜晚每個幾兩個鐘醒一次...... 情況一直持續... 日間小睡亦開始出現種種問題。起初我試過好多種方法，但問題都未能改善，最終我決定要更加深入了解嬰幼兒睡眠，修讀相關課程，幫自己、幫囡囡改善睡眠質素。了解多咗，用啱咗方法，問題好快就改善咗，我、老公同囡囡都可以有覺好瞓。

所以，我完成咗獲英國政府認可嘅嬰幼兒睡眠顧問課程後，開設咗「Jovial Sleepers - 嬰幼兒睡眠諮詢」，希望可以用我嘅知識同經驗，推廣嬰幼兒健康睡眠。我亦提供嬰幼兒睡眠諮詢服務，協助各位爸爸媽媽解決嬰幼兒睡眠問題，提升小朋友同父母嘅睡眠質素。我相信只要寶寶瞓得好，爸媽就少煩惱。如果你都遇到嬰幼兒睡眠問題，唔駛灰心唔駛絕望，有方法解決的！搵我傾吓！」