【睡眠謬誤系列 — BB好抗拒用包巾/包被 】

好多時BB未出世之前，爸爸媽媽已經聽過好多人話初生BB需要用包巾/包被，點知BB出咗世，爸爸媽媽用包巾包住BB嘅時候，BB可能會喊或者掙扎，爸爸媽媽就以為BB唔鍾意包巾/包被？🤔

其實喺初生階段，BB係好中意包巾/包被㗎！因為佢哋剛剛離開子宮，仍然適應緊呢個世界，相對會欠缺安全感，而包巾可以增加BB嘅安全感，令佢哋喊少啲、瞓得好啲。 有啲爸爸媽媽發現包住BB嘅時候，佢哋會大喊或者掙扎，其實好多時只係包嘅方法唔正確（例如太緊或太鬆）、BB掃風唔夠令肚仔胃仔唔舒服，或者BB已經好攰，好想瞓但係又冇得瞓😔😴

BB喺初生階段唔會抗拒用包巾，包住佢哋可以增加佢哋嘅安全感，減低佢哋因為驚嚇反射 (startle reflex) 而頻頻扎醒嘅情況。不過記住當BB開始學轉身，基於安全理由，包巾就唔再適合喇！