周不時都會有媽媽關心嬰幼兒飲夜奶嘅問題，到底小朋友幾時先會戒夜奶？
其實幾時戒夜奶好視乎BB自己嘅發展，同埋爸爸媽媽對「夜奶」嘅定義。
喺初生階段， BB連續可以瞓嘅睡眠時數會不斷遞增，由瞓兩個鐘變四個鐘，再變六個鐘，父母深夜時分慢慢都可以有多啲休息☺️
有啲BB喺四至六個月大左右夜晚已經可以連續瞓10至12個鐘唔需要飲奶，但係有啲仲喺夜間睡眠時需要一餐奶，不過飲完好快就會繼續瞓 😴 去到六至十二個月大期間，大部份BB已經可以喺夜晚連續瞓10至12個鐘唔需要飲奶喇！去到一歲後，夜奶就係習慣多於實際生理需要喇！
每個BB嘅發展都會略有不同，咁爸爸媽媽點知BB半夜醒係咪真係肚餓呢？除咗考慮BB嘅月齡，仲可以留意以下嘅因素：
✔️ 夜晚喊好耐，點樣安撫都無法再次入睡
✔️ 夜晚一飲完奶好快可以再次入睡，而且可以連續瞓到好幾個鐘
✔️ 夜晚飲奶嘅時間/份量同日間飲奶嘅時候相若，唔會啜幾啖就瞓着咗
✔️ 飲咗夜奶都唔會影響日間第一餐嘅胃口，朝早起身仍然會飲奶/食早餐
喺處理BB嘅夜奶問題時，父母要留意以上嘅因素睇吓到底佢哋半夜係真正需要飲奶，定係依靠飲奶/埋身先瞓到😉
Comments