曾經聽過唔少父母話要由初生階段開始為BB設定一個時間表，而且嚴格遵從 … 到底咁樣係好定唔好？
有時間表，照顧BB的確方便好多，尤其是對於一啲要依靠工人姐姐或者長輩幫手照顧BB嘅家庭，如果BB有個「時間表」，交代點樣湊BB都容易啲。不過，初生嬰兒睡眠係多變而且難以預計，佢哋嘅睡眠時間有長有短，所以頭幾個月BB唔會有一個好固定嘅時間表，就算set好咗，好多時都係唔會跟到。盲目地希望BB跟隨設定嘅時間表只會令自己有好大嘅壓力同失敗感，更有可能錯過咗BB比你嘅訊號，照顧唔到佢哋嘅需要，令佢哋攰得滯！
另外，初生BB嘅胃仔非常細，所以好難做到只喺固定嘅時間飲奶，頭幾個月好多時都需要feed on demand，記得要留意BB比你嘅肚餓訊號！加上頭幾個月BB會經歷幾次猛長期，有陣時都需要密集式飲奶架！
初生階段應為BB建立日常規律為主，而非固定嘅時間表😉
💫 想了解更多初生嬰兒睡眠知識，歡迎報讀免費初生嬰兒睡眠精讀班 🆓 隨時隨地上堂，無限次重溫 💫
