喺 #睡眠謬誤系列 中分享過，唔係日間唔俾BB瞓，就會代表佢哋夜晚可以瞓得耐、瞓得好。因為「睡眠生睡眠」(sleep begets sleep)，有合適嘅小睡，係更可以幫助BB夜間獲得充足而且有質素嘅睡眠。
我哋要幫BB平衡日間同夜間嘅睡眠，日間瞓得太少會令BB產生過多皮質醇（一種壓力荷爾蒙），令佢哋更難入睡，夜晚頻頻扎醒，或者未天光就醒；同樣，日間瞓得太多亦會導致夜醒問題，因為佢哋日間瞓夠咗，夜晚自然想活動吓啦！所以我哋嘅目標係要搵出平衡，幫BB訂立一個合適嘅作息時間表。
合適嘅小睡除咗可以改善小朋友夜晚嘅睡眠，亦對佢哋嘅記憶力、學習能力、情緒管理各方面有利😉
快啲睇吓你嘅小朋友小睡係咪足夠啦！
唔夠點算？咁就要快啲幫佢哋tune番個合適嘅時間表喇！有需要可以搵我幫手😉
