top of page

【如何改善睡眠環境?】

之前嘅睡眠謬誤系列分享過,嬰幼兒嘅睡房應該要盡量黑暗,有爸爸媽媽問,咁可以點樣整黑間房呀?睇吓以下嘅方法可唔可以幫到你哋。


(1) IKEA遮光窗簾 IKEA有好多款唔同嘅窗簾,有半遮光窗簾同全遮光窗簾,如果想方便嘅話,去IKEA買都係一個好嘅選擇,但係記住要揀全遮光窗簾呀!


(2) 淘寶遮光窗簾 如果要平,去淘寶買遮光窗簾係最佳之選。淘寶選擇眾多,記得睇清楚窗簾係唔係可以遮到八至九成嘅光線,要揀間信譽良好嘅舖頭。


(3) 黑色珍珠板/畫紙 如果要再平啲,或者等唔切淘寶送貨,又或者唔想喺淘寶買,咁你可以試吓去文具店買黑色嘅珍珠板,效果都唔錯㗎,不過收納就始終無窗簾咁方便。黑色畫紙都可以,不過可能唔夠硬,唔夠珍珠板耐用。


(4) 遮光天幕/blackout tent 另外一個選擇係用遮光天幕,直接放喺嬰兒床上面,外國網站其實有好多相似嘅產品,以下呢個係其中一個。呢種產品嘅好處係拎去其他人屋企或者去旅行都可以用。




36 views0 comments

Comments


Post: Blog2_Post
bottom of page