「我個仔夜晚9點瞓，跟住......」
「兩個月大我就同佢戒夜奶，我第一晚......」
「放佢喺床喊，喊下喊下就......」
上述嘅分享，好多時都會喺父母傾談間出現。面對BB瞓覺嘅問題，我哋不時都會四處搵資料同問朋友意見。的確，上網搵資料或者聽下親戚朋友嘅意見，有時係可以幫到手嘅。
不過，現實生活中呢啲方法亦唔係百分百work，因為網絡資訊氾濫，存在唔少謬誤，而且每個小朋友嘅情況都係唔同，媽媽A嘅方法work亦可能係幸運地嗰個方法夾到佢嘅BB。
我絕對贊成同支持爸爸媽媽之間互相分享交流，多問多聽多講，的確可以令我哋獲益良多（有時候真係唔好睇少民間智慧😬）。不過，如果你已經睇咗好多資訊、聽咗好多意見，但仍然受小朋友嘅睡眠問題困擾😣😣...... 可以點？可以搵 #嬰幼兒睡眠顧問Cheryl （即係我😂😂😂）幫你！
（#介紹番自己先 🙈 最近先認識呢個page嘅媽媽可能都唔知我係乜水😅 我係一位媽媽，為咗令我囡囡瞓得更好，我修讀咗獲英國政府認可嘅嬰幼兒睡眠顧問課程，完成課程後開設Jovial Sleepers，希望可以令更多人認識嬰幼兒睡眠，亦幫助受著嬰幼兒睡眠問題困擾嘅家庭，改善大人同小朋友嘅睡眠質素☺️）
點解需要嬰幼兒睡眠顧問？因為認證嘅嬰幼兒睡眠顧問可以......
1.助你搵出問題成因及解決方法
點解BB瞓半個鐘就醒？點解BB半夜總係喊？點解BB總係氹極都唔瞓？🤯🤯 嬰幼兒睡眠顧問可以用科學嘅角度話你聽呢啲問題嘅成因，並提供針對性嘅建議，助你解決問題。
2.助你訂下合理嘅期望
嬰幼兒唔同階段嘅需要同能力都唔同，嬰幼兒睡眠顧問會助你定下合理嘅期望，用最有效嘅方法達到預期效果。
3.按個別的需要制定合適嘅方案
香港好多父母嘅工時長，加上有土地問題，要完全跟足「最理想嘅目標」係有一定難度😣 所以嬰幼兒睡眠顧問會按實際情況制定方案同作息時間，分析當中利弊，助你搵出最舒服最適合你嘅方法。
4.助你更深入了解嬰幼兒睡眠
作為父母，我哋經常都要不停學習各式各樣嘅嘢，以配合小朋友嘅成長同發展，真係會忙到踢晒腳😥 所以喺睡眠諮詢過程中，嬰幼兒睡眠顧問會教你一啲關於BB睡眠必須關注嘅事項，話你聽邊樣嘢、邊個方向嘅資訊你一定要識，邊啲你可以遲啲得閒先識🤭😅
5.提供支持、支援及指導
睡眠調整嘅過程有時會有沉浮起跌，但係萬事起頭難，努力係唔會白費，只要方向正確，喺適當嘅時候作出相應嘅調整，就成功在望。所以喺過程中嬰幼兒睡眠顧問嘅角色唔單只係「老師」，指導爸爸媽媽點樣幫BB調整睡眠，亦係「輔導員」，為你打氣，給予支持及支援。
⭐️ 想了解更多我點樣幫小朋友同父母改善睡眠質素，可以睇吓呢度嘅分享👇👇
Comments