琴日講到BB厭奶嘅三大成因，今日就分享吓處理厭奶期嘅方法啦😉
1️⃣ 剔除病理性原因：要確保BB唔會因為身體唔舒服而唔飲奶，如果有猶豫，試吓向醫生請教。
2️⃣ 營造愉快嘅食奶氣氛：BB間中食奶嘅份量會有所浮動，爸爸媽媽應該盡量放鬆心情，相信BB，唔好過分強迫佢哋食晒成樽奶，否則會令佢哋食得唔開心，令厭奶行為繼續惡化。試諗吓，如果你每餐只食到一碗飯，但係有人逼你餐餐都要食兩三碗，咁你食飯都唔開心啦！最重要係觀察BB整體嘅狀況，例如體重、身高係唔係喺生長線正常水平😉
3️⃣ 營造合適嘅食奶環境：BB越來越大，有時都會唔專心食奶，掛住周圍望認識呢個世界，如果你嘅BB都好鍾意「八卦」四圍嘅嘢，試吓喺一個安靜嘅地方餵食，等佢可以專心食奶。
4️⃣ 檢查奶樽：如果係用奶樽餵奶，可以留意下奶嘴嘅奶洞大小係唔係合適。BB食奶吸啜嘅時候都需要用力，如果奶嘴大細唔啱，佢哋都會食得辛苦，可能食一半就已經冇力再食。
5️⃣ 確保BB休息充足：正如尋日嘅post所講， BB過咗頭一兩個月，需要嘅睡眠時數依然好長，如果佢哋長期休息唔足夠，攰得滯，佢哋都無心情無胃口食奶㗎！所以要為BB定立一個合適嘅時間表，照顧佢哋嘅睡眠需要呀！
如果你都有處理厭奶期嘅心得，可以留言同其他爸爸媽媽分享吓😉
