【睡眠謬誤系列 — 唔應該叫醒BB】

有人認為BB瞓緊覺嘅時候，媽媽爸爸唔應該叫醒佢哋，應該由佢哋自然醒 呢個諗法絕對係值得商榷，尤其是係月齡較大嘅BB。

試諗吓，喺每個階段BB都需要某個嘅睡眠時數，如果佢哋日間已經瞓咗所需時數嘅三分一，夜晚就只會瞓番餘下嘅三分二，即係表示佢哋夜晚會容易醒，或者未天光已經醒 。

有啲BB真係會日間瞓得特別好，但到夜晚就會頻頻扎醒㗎！ 所以我哋要考慮BB日間需要嘅小睡時數，有需要就叫醒佢哋。