之前分享過睡前規律係建立健康睡眠習慣嘅一個好幫手，唔知你哋同小朋友嘅睡前規律又係點呢？今日最同大家分享吓一個適用於幼兒👧🏻👦🏻睡前規律嘅好方法 — sweet talk ☺️
Sweet talk 係由美國一位兒科醫生Dr. Harvey Karp所提出，係一個用嚟做一日總結嘅好方法😉 做法好簡單，喺小朋友臨瞓前，同佢哋一齊入房搵個舒服嘅位置坐低，攬住小朋友同佢地傾吓密計😝 首先可以講吓當日發生過嘅事，讚下小朋友做得好嘅地方，跟住就同佢地一齊展望下聽朝瞓醒之後會發生嘅事情，例如會一齊食豐富美味嘅早餐、可以返playgroup見到朋友仔、可以返學校見到同學A/同學B/老師A/老師B。
呢個方法除咗可以幫小朋友喺臨瞓前放鬆心情，亦係一個建立親子關係嘅甜蜜時間。有啲爸爸媽媽日頭要返工，未必可以全日陪住小朋友，但係可以好好利用sweet talk嘅時間同小朋友傾吓偈☺️ Sweet talk 當中「回顧當天 展望明天」嘅方法亦可以鼓勵幼兒明白自己嘅情緒，表達自己嘅感受（想了解更多點樣幫助幼兒明白、理解同表達自己嘅感受，做緊開心快樂嘅孩子，可以參考Dr. Harvey Karp嘅著名書籍 ‘Happiest Toddler on the Block’）
（其實‘Happiest Toddler on the Block’係一本好發人深省嘅書，雖然唔係所有嘢同睡眠有關，但唔知有冇爸爸媽媽想知多啲，想我分享多啲？🙈 如果想... 留言話我知😆 有人會睇我先share多啲😅）
